Elding

Úr myndasavninum



Úr videosavninum



Kunngerðir



Hús og heim



Til sølu



Fyrsta steypafinalan uttan KÍ í 19 ár


Skrivað hevur Jákup Ósá Myndir: Oliver Joensen 24.06.2017 - 13:39

Lýsing Lýs her...

KÍ kvinnurnar vera ikki partur av steypafinaluni í ár.


EB/Streymur/Skála spældi seg í dag víðari til steypafinaluna hjá kvinnum eftir 2-1 sigur í Klaksvík á KÍ. EB/Streymur/Skála kom á odda í fyrra hálvleiki, men KÍ svaraði aftur og Malena Jospehsen skoraði eftir deyðbóltsstøðu. Liðini skiftust um at hava yvirtakið i fyrra hálvleiki, sum var undirhaldandi.


Í seinna hálvleiki byrjaði EB/Streymur/Skála nógv betri og Heidi Sevdal skoraði eitt framúrskarandi mál við langskoti. Hetta var uppiborið í mun til leikgongdina. Hetta vísti seg at vera seinasta málið og hóast KÍ trýsti seinastu løtuna, so var tað helst uppiborið sæð yvir allan dystin, at EB/Streymur/Skála vann seg víðari.


Hetta er fyrstu ferð síðani 1998, at KÍ ikki er í steypafinaluni. KÍ hevur vunnið steypakappingina øll árini hesa øldina burtursæð frá 2009, 2005 og 2001.

Lýsing Lýs her...