Lutherdagar

Úr myndasavninum



Úr videosavninum



Kunngerðir



Hús og heim



Raksturin av grindini og drápið gingu ótrúliga skjótt


Skrivað hevur Oliver Joensen 29.06.2015 - 16:56

Lýsing Lýs her...

 Um hálvgum áttatíðina í morgun, varð grind funnin í Svínoyarfirði. Bert umleið hálvan annan tíma seinni, var grindin deyð í Havnnasundi. Elmar Simonsen fann grindina umleið hálvan annan fjórðing úr Gáshøvda. Elmar sigur, at ein stórur flokkur av springarum var hjá grindini. Eg royndi so at reka einamallur, og tað vísti seg at gongd kom á grindina beinanvegin. Tá eg var komin um hálvan Svínoyarfjørð við grindini, hvurvu springararnir. Komin inn fyri Berginum fekk grindin ógvuliga nógva ferð og steðgaði ikki fyrr enn inni í sundinum. Grindin er lítil, eini 23-24 hval, sigur Elmar Simonsen at enda.

Politiið sigur, at drápið gekk fyrimyndarligt. Nøkur fá Sea Shephard fólk vístu seg á staðnum, men tey uppførdu seg fyrimyndarligt og gjørdu ikki ónáðir.

Stórur áhugi er um grindadrápið. Eitt týskt sjónvarpslið var í Havnnasundi og tók myndir.

Enn er ikki merkt. Sýslumaðurin, Karl Johansen sigur, at lýst verður her á heimasíðuni hjá Norðlýsinum nær seðlarnir koma út.


Lýsing Lýs her...