Úr myndasavninum



Úr videosavninum



Kunngerðir



Hús og heim



Til sølu



Merkisdagar og minningarorð



Samgongan: Fiskidagarnir óbroyttir næsta fiskiár


Skrivað hevur Bjarni Hammer, Bjørt Samuelsen og Magni Arge 15.08.2017 - 07:46

Lýsing Lýs her...

Samgonguminnilutin í vinnunevndini skjýtur í sínum áliti upp, at fiskidagarnir fyri fiskiárið 2017/2018 verða teir somu, sum vóru ásettir fyri fiskiárið 2016/2017

Samgongan tryggjar soleiðis botnfiskaveiðuni undir Føroyum somu karmar at virka undir komandi fiskiár sum í verandi fiskiári.

Veiðiloyvini, ið liggja til grund fyri fiskidøgunum, fara úr gildi á nýggjárinum. Tí er bara grundarlag fyri at áseta fiskidagarnar restina av hesum árinum.

Men ásetingin fyri hesar fýra mánaðirnar svarar til ein triðing av fiskidøgunum, sum høvdu verið ásettir fyri alt fiskiárið, um galdandi lóg um vinnuligan fiskiskap eisini hevði havt gildi næsta ár.

Tá nýggja lóggávan fiskivinnunýskipanin fer at virka á nýggjárinum, verða hinir báðir triðingarnar av fiskidøgunum fyri restina av fiskiárinum ásettir við støði í nýggju lógini.

Hetta merkir, at hvørt einstakt fiskifar veit sítt fiskidagatal frá 1. september og eitt heilt ár fram, tá Løgtingið í næstum hevur avgreitt fiskidagarnar fyri restina av hesum árinum samsvarandi álitinum hjá samgonguumboðunum í vinnunevndini.

Sjálvt um dagarnir hesaferð verða ásettir við støði í hvør sínari lóg onnur galdandi árið út og hin við virknað frá á nýggjárinum so fer at bera til at taka óbrúktar dagar við sær tvørtur um ársskiftið. Tí tað er avtalað í samgonguni, at dagarnir, sum verða ásettir nú fyri seinasta árstriðing 2017, eisini verða ásettir í nýggju lógini og síðani mótroknaðir dagarnar, sum eru brúktir í ár.

Lýsing Lýs her...