Úr myndasavninum



Úr videosavninum



Kunngerðir



Hús og heim



Til sølu



Merkisdagar og minningarorð



Væl mannað AIK lið


Skrivað hevur Jákup Ósá 19.06.2017 - 23:37

Lýsing Lýs her...

Við at hyggja eftir AIK hópinum sæst, at her er KÍ uppi ímóti einum sterkum liði.


Summi hugdu kanska eftir dystinum millum Svøríki og Polandi í U21 endaspælinum í kvøld. Dagsins leikari var svenski miðvallarleikarin Kristoffer Olsson, sum eisini var liðskipari hjá Svøríki. Til dagligt spælir hann við AIK. 

Hyggja vit eftir A-landsliðnum hjá Finnlandi, so vóru tveir AIK leikarar í hópinum seinasta landsdyst. Teir vóru verjuleikarin Sauli Vaisanen og álopsleikarin Eero Markkanen. Í hópinum er eisini ein íslendingur, sum hevur spælt 7 A-landsdystir. Tað er Haukur Heiðar Hauksson. 

Kanska kendasti leikarin er 37 ára gamli liðskiparin og vinstri bakkurin Nils-Eric Johansson. Hann hevur spælt 86 dystir fyri Blackburn og 75 dystir fyri Leicester. Annars hava fleiri spælt einstakar dystir fyri svenska A-landsliðið, í fleiri førum til venjingardystir, tá leikararnir sum hava spælt uttanlands ikki hava verið í hópinum. Eisini eru fleiri við U-landsdystum fyri Svøríki. 


Á pappírinum er talan í øllum førum um eitt lið, sum er væl mannað. AIK liggur í løtuni á 4. plássi í Svøríki eftir 12 umfør. við 21 stigum, 6 færri enn oddaliðið Malmø FF.  AIk hevur bara skorað 11 mál, men hevur hinvegin bara latið 7 mál ígjøgnum. So fá mál hevur einki annað lið latið ígjøgnum. 


Mynd: friendsarena.se

Lýsing Lýs her...